Qyzyljar óńiriniń jas qylqalam sheberleri Máskeýde ótken "Halyq ertegileri - balalardyń kózimen" atty IV Halyqaralyq sýret baıqaýyna qatysyp, top jardy.
Saıysta Petropavl kórkemóner lıseıiniń eki oqýshysy el namysyn abyroımen qorǵap, 5000 úmitkerdiń arasynan birinshi oryndy jeńip aldy. Olardyń biri Arına Safonova 8 jasynan bastap sýret salýmen aınalysady. Buǵan deıin oblystyq baıqaýlarda júldeli oryndardan kórinip júrse, bul joly halyqaralyq saıysqa óz týyndylaryn birinshi ret usynypty. Qazylar alqasy Arınanyń eńbegin joǵary baǵalap, bas báıgege laıyq dep tapqan. Ol óz shyǵarmasyna qytaı halqynyń "Sýdyń tamshylap aqqanynan qoryqqan jolbarys" ertegisin arqaý etipti.
Al, Varvara Hlıýpına nebári 6 jasta. Ol baıqaýdyń eń jas qatysýshysy retinde "Hanzada men baqa" ertegisine arnaǵan týyndysyn usynǵan.
«Soltústikqazaqstandyq oqýshylar bul baıqaýǵa ekinshi ret qatysty. Byltyr Serbııa ertegileri negizinde jap-jaqsy týyndylar salǵan bolatyn», deıdi «IýNESKO klýby» kórkemóner lıseıiniń dırektory Inna Rıpacheva.
Jetkinshekterdi belgili qylqalam sheberi Zýrab Seretelı marapattap, aq batasyn beripti.
О́mir Esqalı,
«Egemen Qazaqstan».
Soltústik Qazaqstan oblysy.